2020-mi akunnittarfinni unnuinerit

2020-mi Kalaallit Nunaanni najugalinnit akunnittarfinni unnuinerit amerlassusaat qaammatini juunimiit aggustimut 2019-imut naleqqiullugit qaffasinnerupput. Tamannalu aamma qaammat decembarimi pisimavoq.

 

Titartagaq 3. 2019-imi 2020-milu Kalaallit Nunaanni najugaqartunit akunnittarfinni unnuinerit amerlassusaat

Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT

 

Tabel 2. 2019-imi 2020-imilu unnuinerit amerlassusaat

	2019	2020	allannguut pct.-inngorlugu 2019-2020
Kalaallit Nunaannit...	131.963	120.344	-8,8
Danmarkimit........	73.173	32.457	-55,6
Nunanit allanit......	48.526	7.353	-84,8
Ilisimaneqanngitsut..	11.049	14.592	32,1
Katillugit...........	264.711	174.746	-34,0

Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT

 

2020-mi akunnittarfinni unnuinerit amerlassusaat 2019-imut naleqqiullugit 34 pct.-inik appariarput. Kommineqarfik Sermersooq Kangiani akunnittarfinni unnuisut amerlassusaanni appariaat 50,5 pct.-iulluni annertunerpaasimavoq.

 

Titartagaq 4. 2019-imi 2020-milu akunnittarfinni unnuinerit amerlassusaat kommuni malillugu

Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT

(1)Ilulissat Avannaata Kommunianut aamma Kommune Qeqertalimmut kisitsisini tamakkiisuni ilaavoq.

 

Erseqqissaatit

Naatsorsueqqissaartarfik Kalaallit Nunaanni unnuisarfiit amerlanersaannit akunnittarfinniillu annerusunit tamanit ataavartumik nalunaarusiorfigineqartarpoq. Kisitsisillu kisitsisaagallartuupput allannguuteqarsinnaallutillu Naatsorsueqqissaartarfimmi nalunaarutit amingaatigineqartut tiguneqarnerini.

 

Naatsorsueqqissaartarfiup Visit Greenland suleqatigalungu Kalaallit Nunaanni unnuinermi siniffiit atorneqarsinnaasut amerlassusaat misissorpaa. Tassani ilaatingut unnuisarfinnik akunnittarfinnillu nutaanik misissuisoqarpoq. Tabel A1-imi siniffinnik atorneqarsinnaasunik atuinerup annertussusaa atuarneqarsinnaavoq.

 

Tabel A1. 2020-mi siniffinnik atorneqarsinnaasunik atuinerit

	Avannaata Kom. aamma Kom. Qeqertalik	Ilulissat (1)	Qeqqata Kommunia	Kommune Kujalleq	Kommun. Sermersooq Kitaa	Kommun. Sermersooq Kangia	Katillugit
Siniffinnik atorneqarasinnaas-unik atuineq	293.760	207.552	175.176	168.105	256.932	90.909	119.2434
Siniffiit atorneqarsinnaasut	336.948	230.244	204.310	182.542	319.352	96.033	136.9429
Atuineq pct.-inngorlugu	87	90	86	92	80	95	86

Najoqqutaq: Naatsorsueqqissaartarfik aamma Visit Greenland.

 

2017-i aallanerfigalugu inisisimasunut najugaqarfimminnik nalunaarsorneqarsimanngitsut immikkoortiterinermi ”Ilisimaneqanngitsutut” immikkoortiterneqartalerput. Tamanna sioqqullugu nalunaarsuutini saqqummiunneqarsimasuni pineqartut ”Nunani allaneersutut” nalunaarsorneqartarput.

 

Kisitsisaagallartutut missingersuutit annertuut

Nalunaarsuutit kinguaattooqqanerat peqqutigalugu missiliorlugu inisisimasut 7,2 pct.-ii kiisalu unnuinerit 7,3 pct.-ii kisitsisaagallartutut missingersuutaapput, 2019-imi piffissani pineqartuni paasissutissanit tunngaveqartut.